Masha Allah Maryam Yahaya ta saki kwalliyar Sallah daga kasar Saudiyya
An Binne Wasu Mutane Biyu Da Ransu Bisa Wani Zargin Da Ake Musu A Benue
Wasu fusatattun matasa sun binne mutane da ransu a cikin rami sakamakon wani zargi da suke musu wanda ya yi sanadin mutuwa wasu.
Wasu fusatattun matasa daga karamar hukumar Konshisha a jihar Benuwe sun binne wasu mutane biyu da ransu bisa zarginsu da hannu wajen yin sihirin da ya shafi wani Henry Ihwakaa da matarsa da wani yaro dan mako biyu da haihuwa.
Jaridar KANNYWOODSTYLE.NG ta tattaro cewa Ihwakaa, wanda aka ce mahaifin Henry ne, matasan sun zarge shi da yin sihirin mutane da guguwar tsawa a yankin a duk lokacin da aka yi ruwan sama.
An tattaro cewa, a wannan rana, matasan sun taru suka far wa Ihwakaa da wanda ake zargi da hada baki da shi. Daga baya suka haƙa wani kabari suka binne su da rai.
Wani shaidar gani da ido kuma dattijo a yankin Engr Baba Agan ya ce bayan faruwar lamarin an kai rahoton lamarin ga ‘yan sanda da ke karamar hukumar Konshisha inda baturen ‘yan sanda (DPO) ya tura mutanensa zuwa wurin da lamarin ya faru.
Majiyar Jaridar DIMOKURADIYYA ta ruwaito cewa, lokacin da tawagar ‘yan sandan ta iso, su biyun sun mutu a cikin kabarin kuma aka tono gawarwakinsu.
Da aka tuntubi kakakin rundunar ‘yan sandan Benue, SP Sewuese Anene, ya tabbatar da faruwar lamarin.
Ya ce an kama mutane biyu da ake zargi da aikata laifin yayin da ake ci gaba da bincike.
Jaridar The Nation ta rawaito cewa PPRO ya gargadi jama’a game da daukar doka a hannunsu.
Shugaban kasa Muhammadu Buhari ya sake bayyana shirinsa na yiwa Tinubu maraba a fadar shugaban kasa a matsayinsa na shugaban kasa, inda ya tabbatar da cewa ranar 29 ga watan Mayu da zai mika wa sabuwar gwamnati mulki ta kasance mai tsarki.
Kamfanin Dillancin Labarai na Najeriya, NAN, ya ruwaito cewa, shugaba Buhari ya bayar da wannan tabbacin ne a cikin wannan mako a lokacin da yake musanyar gaisuwar Sallah a wata wayar tarho da ya yi da shugaban kasa mai jiran gado, Sanata Bola Tinubu.
