Tanimu Yahuza Sha’aban wanda aka fi sani da TY Shaban ko Shaba, ya kasance mawaƙin Nijeriya, ɗan wasan kwaikwayo, mai rawa, mai gabatar da shirin talabijin kuma mai shirya fim a masana’antar shirya fina-finai ta Arewacin Nijeriya wanda aka fi sani da Kannywood.
Farkon Rayuwa da Ilimi
An haifi Shaba a yankin Nassarawa da ke ƙaramar hukumar Nasarawa a jihar Kano, Najeriya.Ya halarci makarantar firamare ta Brigade, karamar makarantar sakandare a kwalejin malamai ta Kano da kuma babbar makarantar sakandare a filin wasa na makarantar sakandaren gwamnati da ke Duka a Kano. Yayi karatun aikin gona a Kwalejin Ilimi ta Tarayya (Fasaha) Bichi.
Ya kuma karanci Public Administration a Kano Polytechnic.
Ya kuma yi difloma a harkar Fina-finai a Jami’ar Yusuf Maitama Sule, Kano,duk a Jihar Kano.TY Shaban mawaƙi ne kuma mai shirya fim kuma furodusa a Fina- Finan Arewacin Najeriya.TY Shaban shi ne mahaifin Sani TY Shaban (Freiiboi) wani mawaƙin HIP-HOP na Hausa mai shekaru 16 daga Arewacin Najeriya.
Shaban ya ce ya sanya ɗan nasa ne a cikin filin nishadi saboda ya gano cewa hazakar yaron ta hanyar waka ne.
Masana’antar Kiɗa
An fara sanin Shaban a fagen Mawakan Hausa.Wakokinsa “Uwargida Ran Gida” da “Shaba zo Taho” sanannu ne saboda sun kai kowane yanki na kasar Hausa.
Masana’antar Fim
Bayan aikin waƙa,Shaban ya shiga harkar fim,yana fitowa a fina-finai kuma ya zama furodusa.A shekarar 2019,BBC Hausa ta sanya fim din Shaban a cikin Goma cikin fina-finan Hausa.
