in , ,

Za’a saka wa Islamiyyar marayu sunan wani matashi da ya rasu domin tunawa da hidimar da yake yi masu

Za a sanyawa wata Makarantar Yara Marayu da Marasa karfi sunan Yahaya, daya daga cikin matasan nan su 3 ma’aikatan kamfanin Fafutuka da sukayi hadarin mota a Kaduna suka rasu su duka a jajibirin taron kungiyar Arewa Writers Association.

Manuniya ta ruwaito an samar da makarantar ne domin tunawa da alkhairin da marigayin matashin Yusuf Yahaya Gama yake yiwa marayu a jiharsa ta Kano.

Shugaban Fafutuka Rabiu Biyora ya bayyana haka a shafinsa na Facebook cewa “Za a gudanar da taron saka sunan marigayi Yusuf a wannan makaranta ta Marayu dake Unguwar Rimin Kebe a ranar Asabar mai zuwa, sannan za a gudanar da addu’oi duk a wajen taron..”

Shine a farkon hoton daga hagu

Manuniya ta ruwaito za a gudanar da taron ne da misalin karfe 10 na safe in sha Allah, a Rimin Kebe Layin Samaila kusa da massallacin JTI”

Kuskuren da ake yi wajen tsarki dake jawo babbar matsala ga lafiyar iyali

Wata amarya a Kano ta rasu ana shirin kai ta dakin ango (kalli hotunan)